Beplan jou kruideniersware aankope: Lys die noodsaaklike weeklikse items deeglik, hou by jou lys en maak ‘n reël in jou familie dat niemand inkopies mag doen sonder ‘n lys nie.

Geld wat gespaar word moet in ‘n spaarrekening gesit word: Vestig ‘n gewoonte van spaar al is dit R50 of R100 per maand. Die ekstra “lekker” goed wat jy wou koop kan help dat jy ‘n goeie spaar-gewoonte begin. So bou jy ‘n kontant reserwe op vir daai onvoorsiene tye.

Hou rekord van alle aankope: Hou jou strokies en liasseer dit weekliks. Dit help jou om te beplan vir toekomstige besparings.

Beplan rondom brandstof verbruik: Doen ‘n roete beplanning, stig saamry-klubs en jy sal verbaas wees hoeveel honderde rande jy in ‘n maand gaan spaar.

Kommunikeer met jou krediteure: Maak reëlings vir skuld-afbetaling, moenie skuld vermy nie, maak ‘n plan om dit af te werk.

Skaal af: Gaan na watter onnodige dinge jy besit en verkoop dit. Dalk kan jy selfs ‘n kleiner huis of motor aanskaf.

Gesinsvergadering: Hou maandeliks een dag voor salarisdag ‘n vergadering saam met die gesin en bespreek die volgende: ‘n Prioriteitslys vir die volgende maand (en hou daarby), ‘n deeglike begroting wat jou inkomste en uitgawes in detail uiteensit en ‘n kreatiwiteitsvergadering waartydens planne en idees bespreek sal word om uitgawes vir die volgende maand tot die minimum te beperk.

En laaste maar nie die minste nie, wandel in God se Woord en vra Hom vir wysheid en leiding.