2 Tim 2:5 "n
Atleet wat aan 'n wedstryd deelneem, kan die
prys wen slegs as hy volgens die reëls
meeding."
Niemand dwing 'n atleet
om binne die kantlyne van die speelveld te speel nie. 'n Atleet of
deelnemer aan die spel weet dat as hy oor die kantlyn trap of die bal
uitskop, hy of sy onkant sal wees en dat die skeidsregter die fluitjie
Sal blaas, die spel gestop word en die bal aan die ander span gegee sal
word as straf teen die oortreder om die spel weer te begin tot voordeel
van die opponente.
Dit is die reëls van die spel en die prys kan slegs gewen word as daar
binne die reëls gespeel word. Hierdie beginsel geld ook soveel te meer
wat finansies aanbetref. Om 'n eerbare doelwit en finansiële oorwinning
te behaal moet 'n mens dus binne die reëls van die spel bly en jou
finansies op etiese en georganiseerde wyse hanteer.
So leer Paulus vir ons in die briewe aan sy leerling Timotheus die reëls
van die spel as Christen. Hieruit is dit bale duidelik dat Christene,
soos atlete, weet dat die spel, die reëls en die prys onlosmaaklik aan
mekaar verbind is. Mens neem vrywillig aan die spel deel, aanvaar die
reëls en weet dat dit nie moontlik is om die prys daarbuite te wen nie.
Beginsels wat sal verseker, indien korrek toegepas op jou finansies, jy
die uiteindlike oorwinning sal behaal deur die krag van Jesus Christus.
Dit is die moeite werd om Bybelse en Christelike reëls toe te pas op jou
finansies, omdat jy dan die bewaarder van alle skatte, ons Hemelse Vader
in beheer daarvan stel.
Maar buiten aardse gewin is daar iets belangriker waarop ons moet fokus,
die Ewige prys wat ons Skepper aan ons gee, die Ewige Lewe saam met die
Skepper. Die spel is die lewe op aarde om God se Koninkryk te bou en die
reëls is om Christus te aanvaar as die enigste Skeidsregter wat vir ons
keer op keer weer 'n kans gee as ons die bal oor die kantlyn skop en wat
ons as oorwinnaars sal aanwys aan die einde van die spel.
Speel dus regverdig in alles wat jy aanpak om iou hemelse oorwinning te
verseker.
