(Matteus 28:18-20)
""Aan My is al die mag gegee in die hemel en op die aarde" sê Jesus
Christus. Hy bet reeds die Satan se mag gebreek. Hy bevry sondaars van
die mag van die Bose. Hy maak ons sy dissipels wat Hom volg en dien by
die huis, skool, fabriek, kantoor, op die sportveld en in die verkeer.
Die almagtige Koning betrek ons by sy alles-omvattende plan: "Gaan dan
na al die nasies toe en maak die mense my dissipels." As ons Hom getrou
volg, verteenwoordig ons Hom by allerhande soorte mense, selfs by ons
vyande: rowers en mense met vals godsdienste - ook by hulle wat ons land
gaan besoek tydens die wêreldbeker sokker-toernooi. Dink aan al die
sportvelde, pawiljoene en gastehuise as ruimtes om te getuig!
Om dissipels te kan wees en te kan maak, belowe die Here Jesus aan ons
die leiding en krag van sy Heilige Gees: "Ek is by julle al die dae tot
die voleinding van die wêreld." Hy belowe nie om ons te help om enigiets
te doen of te kry nie, maar slegs wat Hy weet ons nodig bet om mense
prakties lief te hê al die dae van ons (kort) lewe.
Kom ons
skakel in by ons Grootkoning se al-die-mag, al-die-nasies, al-die-dae
plan!
Vorster
Combrink(Bestuurder Beradingsdiens)
Radiokansel beradingsdiens te skakel by (012) 334 -1320, of 'n e- pos te
stuur na berading@radiokansel.co.za, of 'n brief te pos aan Berading,
Posbus 3436, PRETORIA, 0001. Radiokansel se Beradingsdiens word bestuur
deur ABBO (Assosiasie vir Bybelse Berading en Opleiding), wat
jaarkursusse in Bybelse berading aanbied. Info: (011) 886-7414;
www.abbo.org.za.
