Menu

Radiokansel

Tuis

Radiokansel Facebook Radiokansel Twitter

A+ A A-

BybelMediaWeek4

Die Woord vir Vandag

Jakobus 5:16 NLV 
2017-03-01Geskryf deur Bob en Debby Gass
Deel jou stryd
Dis gewoonlik eers wanneer 'n verslaafde die bodem tref wat hulle bereid is om 'n program met twaalf stappe van herstel te volg, en hulself aan 'n mentor, wat hulle help deur hulle toerekenbaar te hou, onderwerp. Waar kom die twaalf-stap beginsels oorspronklik vandaan? Vanaf die Skrif! Die Bybel sê, 'Daarom moet julle julle sondes teenoor mekaar bely en vir mekaar bid sodat julle gesond kan word...' Het al die jare wat jy dit probeer wegsteek, nie net jou probleem vererger nie? Indien dit so is, is 'n belangrike stap in jou pad na herstel iemand in jou lewe wat verstaan, wat met jou stryd identifiseer, wat jou vry wil sien en wie jy kan vertrou. Dit moet iemand wees wie jy volkome vertrou en respekteer; anders sal jy hom of haar nie ernstig opneem nie. Daar moet 'n ooreenkoms tussen julle wees dat julle sal saamwerk, totdat blywende verandering plaasvind. Dit beteken dat jy iemand moet vind wat nie deur jou probleem geskok sal wees nie en wat jou nie in verleentheid daaroor sal bring nie, maak nie saak wat gebeur nie. Dit is die gebrokenes wat meesters van herstel word, so vind iemand wat die stryd wat jy stry oorwin het. Maak egter ook seker dat hy of sy jou geloof en waardes deel. Jesus het gesê, '...As twee van julle hier op aarde sou saamstem oor enigiets wat julle van God behoort te vra, sal my hemelse Vader dit vir julle doen. Waar twee of drie bymekaarkom omdat hulle my mense is, is Ek immers ook saam met hulle daar' (Matteus 18:19-20 NLV). Deur teenoor 'n ander persoon oop te maak en vir hulp te vra, het jy reeds 'n groot stap na 'n beter lewe geneem.
Skakels na Bybelverse:You Version
Eerste Rekord | Vorige Rekord | Volgende Rekord | Laaste Rekord
Teken in

Gaan Na

Skakel met ons

ProudlySA

bg-004
bg-006
bg-003
bg-002
bg-001
bg-005