<< Terug

Wêreld VIGS-dag is regoor die wêreld herdenk om mense weer eens van hierdie pandemiese siekte bewus te maak. Op 1 Desember 2011, het Radiokansel Wêreld VIGS-dag herdenk, deur ‘n besoek te bring aan die Jehovah Jireh Orphanage Centre vir ‘n kers-aansteek seremonie. Radiokansel se Gemeenskapbou-inisiatief het R10 000 aan die sentrum geskenk om te help met die voorsiening van hulle behoeftes.

Jehovah Jirah Orphanage Centre (JJOC) is 'n nie-winsgewende organisasie wat in Soshanguve, Pretoria geleë is. JJOC is in Junie 2003 gestig in reaksie op die toenemende getal kinders wat deur MIV / vigs geraak is (weeskinders).

Die doel van die besoek was om saam met die kinders te bid, hulle te bemoedig en om hulle daaraan te herinner dat ons ‘n God dien wat hulle liefhet en hulle verlos het. Pastoor Ray Legodi het ook 'n baie inspirerende getuienis van die uitdagings van sy kinderjare met die kinders gedeel.

Radiokansel is verteenwoordig deur Ismalandi van Wyk, Enicca Mantlhwa, Riva Schoeman, Jules Lombard, pastoor Ray Legodi en nog vele meer.

Hoop is oorwinning!

Hier is 'n paar foto's wat geneem is.