Menu

Radiokansel

Tuis

Radiokansel Facebook Radiokansel Twitter

A+ A A-

Die Woord vir Vandag

Psalm 102:14 NLV 
2019-05-20Geskryf deur Bob en Debby Gass
God het 'n tyd bepaal om jou te bevoordeel
Jou hele lewe kan 'n oefening vir een seisoen, vir een Godgegewe opdrag, vir een roeping wees. Jy mag dalk die aantal jare wat nodig is om jou graad te behaal weet. Jy mag dalk weet hoeveel inspanning en tyd dit sal verg om die toppunt van jou beroep te bereik. God bepaal egter die tyd wanneer jy sy guns sal ervaar. 'Maar U, Here, sal vir altyd regeer... U sal verskyn en U oor Sion ontferm, want dis tyd om genadig te wees; die bestemde tyd het aangebreek' (vers 13-14 NLV). Een oomblik van God se guns sal meer as 'n leeftyd van inspanning vir jou doen. In sy boek, Still Standing: 8 Winning Strategies for Facing Tough Times, skryf dr James Merrit: 'In 'n vergadering wat minder as twintig minute geduur het, het die farao Josef oor die hele land aangestel - tweede in bevel en net onder homself! Farao se aksie het Josef van die put na die paleis opgehef. God het 'n wonderlike verhaal bewerkstellig. Sy manier om Josef by die paleis uit te bring, was deur die put en die tronk. Wat ons so dikwels as struikelblokke sien, is inderwaarheid trappe wat God gebruik om sy plan te bereik en sy doel in ons lewens te vervul.' Dis jou gehoorsaamheid aan God en jou getrouheid in moeilike tye wat sy guns meebring - in goeie en slegte tye, in rykdom en in armoede, in siekte en in gesondheid. Wees dus getrou en druk deur: God het 'n tyd bepaal om jou te bevoordeel!
Skakels na Bybelverse:You Version
Eerste Rekord | Vorige Rekord | Volgende Rekord | Laaste Rekord
Teken in

Gaan Na

Skakel met ons

ProudlySA

bg-004
bg-006
bg-003
bg-002
bg-001
bg-005