Die Woord vir Vandag

Spreuke 16:3 NLV 
2015-11-01Geskryf deur Bob en Debby Gass
Moet nooit, ooit tou opgooi nie!
Die oomblik wat jy begin glo dat jy suksesvol genoeg is om op jou louere te rus, het jy moeilikheid! Salomo het geskryf, 'Sien jy iemand wat bedrewe is in sy beroep? Hy werk vir konings en nie vir gewone mense nie' (Spreuke 22:29 NLV). Sukses is altyd 'n moontlikheid, maar nooit gewaarborg nie. Dit behoort aan die man of vrou wie gewillig is om vroeg op te daag, laat te bly, die ekstra myl te loop en wie aanhou vra, 'Is daar 'n beter manier?' 'n Agentskap het een keer 'n advertensie vir 'n motormaatskappy geskep. Dit het gesê, 'Teen sestig kilometer 'n uur maak die horlosie die hardste geluid in hierdie Rolls-Royce.' Toe hulle die advertensie aan die maatskappy se besturende direkteur wys, het hy geglimlag en gesê, 'Ons sal seker iets aan daardie horlosie moet doen!' 'n Jong man het een maal vir Henry Ford gevra, 'Hoe kan ek 'n naam vir myself maak en suksesvol wees?' Hy het geantwoord, 'Besluit wat jy wil hê, en hou dan daarby.' Moet nooit van koers af gaan, maak nie saak hoe lank dit vat of hoe moeilik die pad is nie, totdat jy jou doelwit bereik het nie. Suksesvolle mense het een ding in gemeen: hulle weier om tou op te gooi! Paul J. Meyer sê, 'Nege-en-negentig persent van diegene wat misluk is nie oorwonne nie, hulle gee eenvoudig net op.' Die Bybel sê, 'Almal wat aan 'n wedstryd deelneem, ontsê hulleself allerlei dinge...' (1 Korintiërs 9:25 AFR83). Die enigste mense wie nooit misluk nie, is die mense wat nooit probeer nie.
Sielskos: Eseg 16; Gal 6
Deel hierdie op Twitter | Deel hierdie op Facebook
Skakels na Bybelverse:You Version
Eerste Rekord | Vorige Rekord | Volgende Rekord | Laaste Rekord
Teken in

sl-001
sl-002
sl-003
sl-004
sl-005
sl-006