Die Woord vir Vandag

2 Timoteus 1:7 NLV 
2017-10-11Geskryf deur Bob en Debby Gass
Hou op om geïntimideerd te wees
Die Bybel sê, 'As jy nie glo nie, is dit onmoontlik om God tevrede te stel...' (Hebreërs 11:6 NLV). Moet dus by niks betrokke raak wat nie van jou verwag om jou geloof te gebruik nie. Die sleutel tot momentum is om altyd iets te hê om na uit te sien en om geloof in God daarvoor te hê. Wie nie waag nie, wen nie. Jesus het sy dissipels opsetlik in 'n storm in gestuur. Hoekom? Om hulle geloof te ontwikkel en vir hulle te wys dat mens met Hom aan boord deur enigiets kan kom! God sal aanhou om jou aan moeilike situasies bloot te stel omdat Hy weet dat dit die enigste manier is wat jou geloof sal groei. Die negentiende eeuse Amerikaanse prediker, Phillips Brooke, het geskryf: 'Moenie vir maklike lewens bid nie. Bid om sterker mense te wees. Moenie vir take gelyk aan jou krag bid nie, bid vir krag gelyk aan jou take.' Jy kan nie toegang tot God se hulpbronne kry totdat jy nie iets probeer doen wat menslik onmoontlik lyk nie. Dit is wanneer jy ontdek: 'Ek kan deur alle omstandighede regkom deur Hom wat my krag gee' (Filippense 4:13 NLV). Alle vooruitgang behels risiko's. Vooruitgang beteken dat jy jou vrese moet oorkom. Eendag, terwyl Dawid na sy skape gekyk het, het daar 'n leeu gekom (1 Samuel 17:34). Met God se krag het hy hom egter verslaan - sowel as 'n beer en later 'n reus genaamd Goliat. Die leeu was 'n geleentheid. As Dawid geweifel het of weggehardloop het, sou hy sy kans misgeloop het om die koning van Israel te word. As 'n leeu van vrees dus jou lewe binnekom, herken dit vir wat dit is: 'n geleentheid van God om in geloof op te staan en dit te oorwin.
Deel hierdie op Twitter | Deel hierdie op Facebook
Skakels na Bybelverse:You Version
Eerste Rekord | Vorige Rekord | Volgende Rekord | Laaste Rekord
Teken in

sl-001
sl-002
sl-003
sl-004
sl-005
sl-006