Deon en Karin du Toit
Deon en Karin du Toit is albei die uitvoerende hoof van Huweliksfokus. Hulle bied op Maandag oggende die program Verhoudingsdinge op Radiokansel aan. Dit is ‘n interdenominasionele organisasie met die visie: “Om huwelike in lyn te bring met God se plan.” Hulle is ook gekwalifiseerde huweliks- en gesinsberaders en beoefen dit voltyds. Deon en Karin gee onderrig by gemeentes om mense toe te rus om as huweliksmentors vir jong verloofde en getroude paartjies te dien. Hulle is motiveringsprekers en geniet dit om huweliksverrykingsnaweke aan te bied.
Hul unieke aanbiedingstyl maak hulle gesog op die gebied van huweliksvoorbereiding, huwelikseminare, huweliksberading, saamgestelde huwelike, ouer-kind verhoudings, kommunikasie en konflikhantering, finansiële beginsels volgens God se woord en mans- en vrouekampe.
Hulle is die afgelope 10 jaar gereelde gaste op verskeie programme op Radiokansel. Deon en Karin is Maandagoggende mede-aanbieders van hul program “Verhoudingsdinge met Deon en Karin“. Hulle glo dat God hulle die geleentheid gee om hul kennis en ervaring van verhoudings te deel. Hulle poog om die volgende geslagte vir Jesus Christus te beïnvloed.
Indien jy vir Deon en Karin met Verhoudingsdinge gemis het, kan jy weer na die potgooi hier luister.
Jy sal ook dalk hiervan hou
Madeleine Venter is die aanbieder van Die Christen Reis. Sy is ’n gekwalifiseerde onderwyseres met verdere opleiding in Pastorale Berading. Verskeie van haar kortverhale is in Huisgenoot gepubliseer, en ook in gesamentlike bundels opgeneem. Van haar gedigte is in gesamentlike bundels en op LitNet se poësieblad gepubliseer. Haar kortverhaal, Die laaste diamant is in LitNet […]
Müller Crauwcamp was 16 jaar lank ‘n onderwyser by Clapham Hoërskool nadat hy sy studies aan die Universiteit van Pretoria voltooi het. Gedurende hierdie tyd het hy ook Teologie gestudeer en vir 25 jaar voltyds in die bediening gegaan. Doxa Deo het hom die geleentheid gegee om ‘n Bybelskool te begin. Tot vandag toe hou […]
Rocky Stevenson beskryf homself as ‘n geredde sondaar (sedert Desember 2001). Hy is sedert November 2010 getroud met Maxine, en het twee kinders Levi (5) en Simeon (3). Rocky is leraar by Benoni Bible Church en voormalige leraar van Middelburg Baptist Church waar sy pastorale bediening begin het. Vir vier jaar het Rocky sy kweekskoolopleiding […]
