Die Woord vir Vandag

 

2022-08-31

Bou jou lewe op God se Woord

Geskryf deur Bob and Debby Gass

1 Samuel 16:10 NLV

Dawid het sewe broers gehad. Toe die tyd aanbreek om 'n koning te kies om Saul te vervang, het Samuel gedink dat enigeen van die sewe 'n beter koning as Dawid sou maak. God het egter al sewe verwerp. Hoekom?

Want: 1) Hulle het die regte voorkoms gehad, maar nie die geestelike kern nie. God het vir Samuel verduidelik: '...Mense oordeel volgens uiterlike voorkoms, maar die Here kyk na gedagtes en bedoelings' (vers 7 NLV). Dawid se geestelike kern is deur die jare wat Hy met God bestee het, gevorm. Sy hartsbegeerte was: 'Soos 'n wildsbok smag na water, so smag ek na U, o God' (Psalm 42:2 NLV).

2) Hulle het nie persoonlike ervarings met God gehad om op terug te val nie. Die leeu en die beer was groot, maar Goliat was groter. Tog was Dawid nie geïntimideer nie. 'Die Here wat my uit die kloue van die leeu en die beer gered het, sal my ook red van hierdie Filistyn!..' (1 Samuel 17:37 NLV). Daar is geen onbeduidende gevegte nie. Die klein gevegte rus jou vir die groot gevegte wat jou lot bepaal, toe. Hoe jy in 'n krisis reageer, word deur die ervarings wat jy al met God gehad het, bepaal.

3) Hulle is maklik deur ander mense beïnvloed. Dawid se broers het toegelaat dat die vrese van die mense rondom hulle, hulle geloof laat wegkwyn het. Vrees is aansteeklik; as jy lank genoeg daarna luister, sal jy geïnfekteer word. Nee, jy moet nie jouself van die wêreld afsonder nie, maar jy moet teen die negatiewe invloede daarvan geïsoleer wees. Goliat se woorde het Dawid se broers bang gemaak, maar nie vir Dawid nie. Na wie luister jy vandag? Kry God se opinie en bou jou lewe daarop; laat sy Woord toe om elke kwessie uit te klaar.

Sielskos: Klaag 1:1-3:39; Mark 9:14-29; Ps 119:169-176; Spr 19:9-10

Skakels na Bybelverse: Holy Bible

Eerste Rekord    |    Vorige Rekord    |    Volgende Rekord    |    Laaste Rekord



Current track

Title

Artist

Background