Pieter van Wijk


Pieter van Wijk shows

Lewensvreugde

'n Boodskap van hoop vir 'n tyd soos hierdie

Lewensvreugde Radiokansel 657am

Pieter van Wijk het 20 jaar ondervinding in radio-uitsaaiwese, en ons is geëerd om hom die afgelope vyf jaar op die Radiokansel span te hê.

Pieter is as jong man gered en het dadelik geweet wat sy doel in die lewe was; geroep om die evangelie te verkondig.

Ek het nie die geleentheid gehad om in ‘n Christelike huis groot te word nie. Ek het een ding geleer, dit maak nie saak waar jy vandaan kom nie, dit is wat God vir jou, en deur jou, kan doen.

As ‘n jong man wou hy ‘n meganiese ingenieur word. Hy het sy studies begin, maar het later besef dat daar net een pad is om te volg: Bediening! “Dit was wat ek gedoen het en ek het ‘n loopbaan in die bediening nagestreef. Ek het in verskeie plaaslike kerke in en om Suid-Afrika gedien,” sê hy. Hy het ook in kerke in die Verenigde Koninkryk bedien.

Pieter van Wijk Radiokansel

Pieter se ervaring in die uitsaaiwese strek reeds oor twee dekades. Hy was ‘n aanbieder by drie plaaslike radiostasies as ‘n bedienaar van die evangelie en bied ook opvoedkundige programme aan. Pieter onthou dat sy pa ‘n brandende begeerte gehad het om ‘n aanbieder by die Suid-Afrikaanse Uitsaaikorporasie, die SAUK, te wees, maar het nooit die geleentheid gehad om dit te doen nie. Pieter het aanvanklik gedink dat hy nooit ‘n aanbieder op radio sou wees nie, selfs al het hy tydens sy eerste jaar van teologiese studies opleiding ontvang oor hoe om oor die radio te praat. Jare later, in 2001, het een van sy medebedienaars hom genooi om vir hom in te staan as ‘n laaste uitweg. Dit was die begin van sy reis met radio, en die res is geskiedenis.

Sy doel in die lewe is om Jesus Christus aan ‘n verlore en sterwende wêreld te wys, om die boodskap van hoop aan alle mense te bring en ‘n diepgaande verskil in ander se lewens te maak. Hy hoop om ons gemeenskap op so ‘n manier te beïnvloed dat luisteraars vrede en liefde sal vind, en bo alles Christus as Verlosser.

Prof. Pieter van Wijk bied Lewensvreugde op Radio Kansel en Radio Kaapse Kansel aan.



Current track

Title

Artist

Background
Radiokansel 657AM